म्याच फिक्सिङको आरोपमा श्रीसन्त सहित २ खेलाडि पक्राउ

२ जेठ,  भारतीय पेस बलर श्रीसन्त र अन्य दुई क्रिकेट खेलाडिलाई प्रहरीले म्याच फिस्सिङको आरोपमा पक्राउ गरेको छ । राजस्थान रोयल्सबाट खेलिरहेका श्रीसन्तसहित अजित चण्डिला र अन्कित चवनलाई प्रहरीले यस हप्ता विभिन्न खेलका दौरान म्याच फिक्सिङ गरेको आरोपमा मुम्बईबाट पक्राउ गरिएको हो । 

यी तिनै जना खेलाडिलाई प्रहरीले दिल्ली अदालतमा पेश गरिने बताइएको छ । श्रीसन्त भारतीय क्रिकेटका उत्कृ्ष्ट बलर मानिन्छन् । उनले भारतका लागी ५३ वटा एकदिवसीय र २७ वटा टेस्ट खेलिसकेका छन् । 

प्रहरीले तीन खेलाडिसहित अन्य ७ जना म्याच फिक्सिङमा संलग्न भएको आरोपमा पक्राउ गरेको छ । प्रहरीले यस विषयमा थप अनुसन्धान भइरहेको बताएका छन् ।