ग्ल्यामरै ग्ल्यामरले भरिपूर्ण आईपीएल (फोटोफिचरसहित)

काठमाडौं, ७ जेठ । भारतमा यतिबेला इन्डियन प्रिमियर लिग (आईपीएल) क्रिकेटको छैटौं संस्करण जारी छ । सन् २००८ बाट सुरु भएको आईपीएल विश्व क्रिकेट माझमा लोकप्रिय छन् ।

त्यसो त क्रिकेटमा ट्वान्टी–२० खेल संरचना विश्व क्रिकेटमै ‘ग्ल्यामर’का रुपमा चिनिन्छ । छोटो समयको यस संरचनाले अहिले विश्वमै ‘वाहिवाही’ समेत पाएको छ ।

टी–२० छोटो र उत्साहपूर्ण भएकैले खेलको हरेक क्षणले दर्शक, खेलाडी र आमक्रिकेटप्रेमीलाई रोमाञ्चित र उत्तेजित गर्ने गर्छ । यसैभित्र पनि आईपीएल अझ फरक छ । विश्वका नाम चलेका क्रिकेट खेलाडीहरुको ‘महाभिडन्त’ आईपीएलमा सहभागी फरक–फरक टोलीका खेलका रुपमा देख्न सकिन्छ । विश्वका प्रमुख क्रिकेट खेलाडीको जमघटले आईपीएललाई त्यसैपनि ‘ग्ल्यामर’ बनाएको छ ।

यसबाहेक अहिले आईपीएलमा सहभागी क्लबहरुमा बलिउडमा नाम चलेका नायक–नायिकाको लगानी छ । जसले आईपीएललाई थप ‘ग्ल्यामर’ बनाउँदै लगेको छ ।

त्यस्तै छोटो समय र संरचनामै आईपीएलमा बन्ने र देखिने विविधि ‘रेकर्ड’हरुले यसलाई थप उचाईंमा पुर्‍याएको छ । आईपीएलको जारी सिजनको लिगको एक खेलमा रोयल च्यालेन्जर्स बैंगलोरबाट खेलिरहेका वेष्टइन्डिज खेलाडी क्रिस गेलले टी–२० इतिहासमै सबैभन्दा छिटो शतक बनाए ।

त्यतिमात्रै होइन, गेलले टी–२० इतिहासकै एक इनिङमा एक ब्याट्सम्यानले बनाएको उच्च रन पनि जोडे । पुणे वारियर्स विरुद्धको सो खेलमा गेलले ६६ बलमा १७ छक्का र १३ चौकाको मद्दतमा १ सय ७५ रन बनाएका थिए । जसले पनि आईपीएलको ‘ग्ल्यामर’ उजागर गर्‍यो ।

 आफ्ना टोलीले विकेट  लिंदा र रन हान्दा उत्साहका लागि नृत्य गर्ने त्यस्ता चियर लिडरले मैदानमा उपस्थिति  दर्शक र टिभीमा खेल हेर्ने सम्पूर्ण खेलप्रेमीलाई मनोरञ्जन दिएको नकार्न सकिन्न । जसका कारण पनि आईपीएल ग्ल्यामरले भरिपूर्ण भएको छ भन्नु अतियुक्ति नहोला ।

त्यस्तै आईपीएलले आर्थिक रुपमा पनि एक छुट्टै स्थान ओगटेको छ । यसबाहेक आईपीएलको अनेक विविध पाटो समेत छन्, जसले आईपीएलले पूरै भारतसहित विश्वमा दिनानुदिन आफ्नो ग्ल्यामर छवि पस्किदै गएको छ ।