अन्तर्राष्ट्रिय कराँते प्रतियोगिता प्रारम्भ

 ७ जेठ । नेपाल सोतोकान कराँते सङ्घको आयोजनामा सातौं अन्तर्राष्ट्रिय कराँते प्रतियोगिता आजदेखि यहाँ सुरु भएको छ ।

प्रतियोगितामा नेपाल, भारत, बङ्गलादेश र पाकिस्तान गरी चार राष्ट्रको सहभागिता रहेको छ ।
चार दिनसम्म सञ्चालन हुने प्रतियोगितामा कुल ४८ स्वर्ण पदकका लागि प्रतिस्पर्धा हुने आयोजक नेपाल सोतोकान कराँते सङ्घका महासचिव श्याम शेर्पाले बताउनुभयो ।
सो प्रतियोगिताको त्रिपुरेश्वरस्थित राष्ट्रिय खेलकुद परिषद्मा युवा तथा खेलकुदमन्त्री रामकुमार श्रेष्ठले उद्घाटन गर्नुभएको हो ।