लामखुट्टेले एकछिन पनि बस्न दिएन

२ जेठ,  महोत्तरीको सदरमूकाम जलेश्वर लगायत ग्रामिण भेगमा लामखुट्टेको आंतक बढेको छ । महोत्तरी जिल्लाको सदरमुकाम जलेश्वर सहित ग्रमिण भेगमा विगत ३-४ वर्षदेखि लामखुट्टे मार्ने विषादी नछरिएका कारण कारण जलेश्वर नगपालिकाका १ देखि १३ सम्मा वडाहरूमा लामखुट्टेको आतंक बढेको छ ।

जलेश्वरमा लामखुट्टेको आतंक यति बढेको छ की दिउँसो समेत लांखुट्टेले सताउने गर्छ । स्थानीयबासीहरु आफूले ढुक्कसँग काम पनि गर्न नपाएको बताउँछन् । लामखुट्टेको टोकाईका कारण जलेश्वरबासीहरू विभिन्न रोगको शिकार बन्ने गरेका छन् ।

जलेश्वर नगरक्षेत्रभित्र लामखुट्टे विरूद्धको विषादी यसअघि आर्थिक वर्ष २०६५/०६६ मा छर्किएको मात्र नगरबासीहरुको भनाई छ भने जिल्ला स्वास्थ्य कार्यालय र जलेश्वर नगरपालिकासँग तुरून्त विषादी छर्किन नगरबासीहरूले माग गरेका छन् ।