प्रचण्डको टाउकोमा दोष थुपार्दै, 'फेश सेभिङ'गर्न एमाले शीतल निवासमा२३ बैशाख,  अख्तियार दुरुपयोग अनुसन्धान आयोगमा लोकमानसिंह कार्कीको नियुक्ति बदर गर्न माग गर्दै नेकपा एमालेले राष्टपति डा रामबरण यादवको ध्यानाकर्षण गराएको छ । आफ्नै पार्टीका प्रभावशाली नेता केपी ओलीको प्रस्ताव अनुसारको नियुक्ति बदर गराउन महासचिव ईश्वर पोखरेल लगायतका नेताहरू प्रचण्ड गर्मी छल्दै शीलत निवास पुगेका हुन् । 

एमाओवादीका अध्यक्ष प्रचण्डले प्रस्ताव गरेको भनेर बाहिर चर्चा गरिएपनि एमाले नेता खड्ग प्रसाद ओलीको प्रस्ताव र मधेशी मोर्चाका नेता विजयकुमार थारु (गच्छेदार)को समर्थनपछि मात्र प्रचण्डले कार्कीको नाममा समर्थन जनाएका थिए । 

कार्कीको नियुक्ति रोक्न भन्दापनि खड्ग ओलीलाई कर्नरमा पार्न महासचिव आफै ज्ञापनपत्र बोकेर राष्ट्रपति कार्यालय शितल निवास पुगेका थिए । ओलीको प्रस्तावमा एमाले अध्यक्ष झलनाथ खनालले टाउको हल्लाएर समेत मौन समर्थन जनाएका थिए । कार्यकर्ता तहबाट विरोध भएपछि 'फेस सेभिङ'का लागि एमाले शीतल निवास धाएको हो ।

लोकमानको सिफारिश बदर गर्न सर्वोच्चमा रिट पर्दै

२३ बैशाख,  अख्तियार प्रमुखमा लोकमानसिंह कार्कीको सिफारिश बदरगर्न मागगर्दै सर्वोच्च अदालतमा आज अर्को रिट पर्ने भएको छ । डेमोक्रेटिक लयर्स एसोसिएशनका तर्फवाट ओमप्रकाश अर्यालले रिट दर्ताको तयारी भएको जानकारी दिए । 
यसअघि अर्यालले दायर गरेको रिटमा सर्वोच्चले नियुक्ती नै नभएको समयमा रोक्न नपर्ने फैसला गरेको थियो । संवैधानिक परिषदललेनियुक्तिको सिफारिश गरेपछि अर्यालले आर्को रिट दर्ताको तयारी गरेका छन् । 
अधिवक्ता दिनेश त्रिपाठीले यसअघिको रिट नियुक्ति नहुदै भएकोले नयाँ रिटले कार्कीको नियुक्ति बदर गर्ने संभावना रहेको बताए । अर्यालले रिटमा कार्कीलाई नियुक्ति सिफारिश गर्ने संवैधानिक परिषदलाई विपक्षी बनाएका छन् ।

कर्णसामू घुँडा टेक्यो बहराइनले, १ सय ९६ रनले पराजित

२३ बैशाख,  मलेसियामा जारी एसीसी यु-१९ एलिट कप क्रिकेट प्रतियोगितामा नेपालले बहराइनलाई १ सय ९६ रनले पराजित गरेको छ । बलिङमा अभीनाश कर्ण र ब्याटिङमा कप्तान भुवन कार्की चम्केपछी नेपालले उक्त विशाल जित हात पारेको हो । यो जितसँगै नेपालले खेलेका तीन वटै खेलमा शानदार जित दर्ता गराएको छ । 

२ सय ६० रनको लक्ष्य लिएर मैदान छिरेको बहराइनको टोलीले अभिनाश कर्णको घातक बलिङ सामू घुँडा टेकेपछी बहराइनले २१ ओभरमा आफ्ना सबै विकेट गुमाउनु अघी मात्र रन जोड्न सफल भयो । अभिनाशले एक ह्याट्रिक सहित ८ विकेट लिएपछी नेपाली टोलीले बहाराइनको टोलीलाई ६३ रनको झीनो स्कोरमा रोकेको थियो । यस्तै नेपालका लागी कप्तान भूवन कार्कीले १ विकेट र राहुल प्रताप सिंहले समान १-१ विकेट लिएका थिए । निकै धारिलो बलिङ गरेका अविनाश कर्णले खेलको तेस्रो ओभरको अन्तिम ३ बलमा दुर्लभ ह्याट्रिक गरेका थिए । उनले ८ ओभर गर्दै २ ओभर मेडन राखेर २४ रन दिँदै ८ विकेट चट्काएका हुन् । 

बहराइनका लागी कप्तान क्रिशाले अविजित २२ रन र ललिथ लालले १७ रन जोड्नुबाहेक अन्य कुनै पनि ब्याट्स्म्यानले दोहोरो अंक जोड्न सकेनन् । 

टस जितेर ब्याटिङ थालेको नेपाली टोलीले कप्तान भुवन कार्कीले आक्रामक ब्याटिङ गर्दै ८३ रन जोडेपछी नेपालले निर्धारित ५० ओभरमा विकेट गुमाउँदै २ सय ५९ रन जोडेको थियो । कप्तान भुवन कार्कीले मात्र ६३ बल खेल्दै ८ चौका र ३ छक्काको मद्धतले ८३ रन जोडेका थिए ।

नेपाललाई उक्त स्कोरमा पुर्याउनका लागी बिडी थापाले ४४ रन जोडेका थिए भने आक्रामक ओपनरका रूपमा नेपाली क्रिकेटमा उदाउन लागेका अमित श्रेष्ठले आक्रामक २२ रन जोडेका छन् । उनले मात्र १२ बलमा २२ रन जोडेका हुन् । यस्तै, निश्चल पाण्डेले १६ रन, निर्मल थापाले २५ रन, पवन श्रेष्ठले १३ रन जोडेका थिए ।

नेपाललाई उक्त स्कोरमा रोक्नका लागी ललिथ लालले ३ विकेट लिएका छन् भने अदिल नासिर र आनन्दकृष्णनले समान २-२ विकेट लिएका छन् । यस्तै, अवाद खानले १ विकेट हात पारे ।

कार्कीको नाममा पुन:विचार गर्ने बहानामा कांग्रेस-एमाले

२३ बैशाख,  विवाद र विरोधकाबीच संवैधानिक परिषदले लोकमानसिंह कार्कीलाई अख्तियार दुरुपयोग अनुसन्धान आयोगको प्रमुखमा सिफारिस गरेपछि दलहरूले उक्त विषयमा छलफल गर्न अघि सरेका छन् । 
सहजै जनताको आँखाको छारो हा्न्न सकिने सुरमा कांग्रेस-एमालेले कार्कीको सिफारिसका विषयमा छलफल गर्न लागेका हुन् । चार शक्तिको संयन्त्रले नाम सिफारिस गरेर संवैधानिक परिषद्मा पठाउने दलका नेताहरू नै अहिले आएर लोकमानसिंहको विषयमा छलफल गर्न लागेका हुन् । 
पहिले सिफारिस गर्ने र विरोधका स्वरहरू निस्किन थालेपछी आफैले गरेको निर्णयलाई उल्टाउने विषयमा छलफल गर्नुले नेपालका दलहरू जनतालाई झुक्याउने र सकेसम्म छारो हाल्न पाए खुसी भएर जस्तो पनि काम गर्न पछी पर्दैनन् भन्ने देखाएको छ । कांग्रेस-एमालेको बैठकले लोकमानसिंहको सिफारिस रोक्ने या पछी हट्ने भन्ने विषयमा छलफल गर्न लागेका हुन् । 
पहिले त्यही व्यक्तिलाई हुन्छ, ती चोखा छन् भन्ने शैलीमा आफैले सहमति जनाएका व्यक्तिलाई एकाएक अब अन्तिम चरणमा आएर बाधा सिर्जना गर्नुले दलहरूको नैतिकता समेत प्रस्ट्याएको छ । 
हिजो बसेको संवैधानिक परिषदको बैठकले अख्तियारमा कार्की सहित लोकसेवा आयोगका कयोदेवी यमी, महालेखा परिक्षकको कार्यालयमा भानुप्रसाद आचार्यलाई सिफारिस गरेको छ । अनुमोदनका लागि हिजो नै संवैधानिक परिषदले राष्ट्रपति कार्यालयमा पठाइसकेको छ । 
यसैबीच कार्कीको सिफारिस विरुद्ध विहान विद्यार्थी संगठनहरुले क्याम्पस अगाडी विरोध प्रदर्शन गरेका छन् । राजधानीका क्याम्पस अगाडी चक्काजाम र नारावाजी गरेर विरोध गरेको ती संगठनहरुले जनाएका छन् । त्यस्तै कार्कीको सिफारिस रोक्न माग गर्दै नागरिक समाजका अगुवाहरुले दिउँसो शीतल निवासमा धर्ना दिने भएका छन् । दिउँसो ३ बजे राष्ट्रपति कार्यालय शीतल निवासमा धर्ना दिने नागरिक अगुवाहरुले बताएका छन् ।

किरणलाई फकाउने समय मिलाउन सकेनन् प्रचण्डले

२३ बैशाख,  एकीकृत नेकपा माओवादी र नेकपा–माओवादीबीच निर्वाचनका रणनीतिका विषयमा आज छलफल हुने बताइ पनि अहिलेसम्म छलफलको समयको टुङ्गो लाग्न सकेको छैन ।

एमाओवादीका अध्यक्ष पुष्पकमल दाहाल 'प्रचण्ड'ले निर्वाचनमा मिलेर जानुपर्ने भन्दै आएका बेला नेकपा-माओवादीलाई यसका लागी फकाउने योजना अनुसार प्रचण्डले आज पार्टी अध्यक्ष मोहन वैद्य लगायतका नेताहरूसँग छलफल गर्ने भनिएपनि छलफलको समय भने जुरेको छैन् । 

पार्टी विभाजनपछि आरोप प्रत्यारोपमा उत्रिएका एकीकृत माओवादी र नेकपा–माओवादीबीच चुनावी रणनीति सहकार्य र पछिल्लो राजनीतिक विवादका विषयमा छलफल गर्ने तयारीमा रहेका यी दुई दलको छलफलको समय जुर्न नसक्दा छलफल नै रोकिने हो की भन्ने आशंका समेत उब्जिएको छ । 

नेकपा-माओवादीका सचिव देव गुरूङका अनुसार वार्ता हुने कुरा सही भएको तर समय भने पक्का भइसकेको छैन् । वार्ता भए उच्चस्तरीय राजनीतिक समितिमा नेकपा–माओवादीको सहभागिता, चुनावमा सहभागिताका लागि उसले राख्दै आएका मागका विषयमा पनि छलफल हुनेछ ।

राष्टपति यादवले भने–‘लोकमानलाइ पशुपति नाथले मात्र रोक्न सक्लान’

२३ वैशाख, राष्टपति डा रामबरण यादवले लोकमानसिंह कार्कीलाइ रोक्ने सामर्थ आफूसँग नभएको बताएका छन । कार्कीको नियुक्ति रोक्न मागगर्दै भेटन आएका नागरिक अगुवासंग राष्टपतिले लोकमानलाइ रोक्ने तागत आफूसंग नरहेको बताएका थिए ।

‘जनआन्दोलन दवाउन मुख्य भूमिका खेलेका लोकमानलाइ नियुक्ति गरिएकोमा मेरो चित्त दुखेको छ, नागरिक अगुवामाज राष्टपतिले लाचारी प्रकट गरेका थिए–कार्कीलाइ रोक्ने सामर्थ पशुपतिनाथ बाहेक अरुसंग छैन होला ।’

राष्टपति यादवले लोकमानलाइ रोक्ने ‘जोखिम’ नमोल्ने बताएपछि नागरिक अगुवाहरु निराश भएर राष्टपति कार्यालयवाट बाहिरिएका थिए । ‘लोकमानको शक्ति देखेर म पनि चकित छु, लोकमानलाइ रोक्दा मेरो कुर्सी हल्लिने खतरा छ, राष्टपतिले आफ्ना सल्लाहकारहरुलाइ सुनाएका थिए ।’

राष्टपतिवाट समेत लोकमानलाइ रोक्ने नदेखेपछि नागरिक अगुवाले सोमवार राष्टपति कार्यालय बाहिर धर्नामा बस्दैछन । शीतल निवास स्रोतका अनुसार राष्टपतिमाथी कार्कीको नियुक्ति सदर गर्न अदृष्य शक्तिको दवाव छ । ‘राष्टपतिमाथी चौतर्फी दवाव छ, उच्चस्रोतले हनेपाली हेडलाइन्ससंग भन्यो–संवैधानिक परिषदको निर्णय कार्यान्वयन हुने संभावना नै बढि छ ।’