शुल्कवृद्धिको विरोधमा खासाबाट हुने आयातनिर्यात ठप्प

 ७ जेठ । तातोपानी नाकामा चिनियाँ ट्रान्सपोर्ट कम्पनीले ढुवानी भाडा र कामदारको ज्याला बढाउने भएपछि सामान आयात निर्यात बन्द भएको छ ।

विगत एक सातादेखि आयात मात्र बन्द गरेकोमा चिनियाँ पक्षले निर्णय फिर्ता नलिने अडान लिएपछि सीमा क्षेत्रमा कार्यरत व्यापारिक संस्थाले निर्यात समेत बन्द गरेका हुन् ।
बढाएको शुल्क नघटाएसम्म आयात निर्यात ठप्प पार्ने ब्यवसायीहरुले बताएका छन् । खासा समान लिन गएका सयौं कन्टेनरहरु शुल्क घटाउन माग गदै सामान लोड नगरी बसेको बताइएको छ ।
चिनबाट आएको समान नेपाली ब्यवसायीलाई जिम्मा दिएबापत चिनियाँ ट्रान्सर्पोट कम्पनीले यसअघि ९ सय १० चिनियाँ युआन लिने गरेकोमा गत आइतबारदेखि एक हजार ५० युआन पु¥याएको छ ।
नेपाली ब्यवसायीहरुसंग समन्वय नै नगरी शुल्क बढाएको र बढाएको शुल्क तिरेर समान जिम्मा लिन नसक्ने नेपाली ब्यापारीहरुले बताएका छन् । उनिहरुले शुल्क वृद्धि फिर्ता गर्न माग गरेका छन् ।
चिनबाट समान आयात हुने मुख्य नाका तातोपानीबाट समान आउन नपाएपछि नेपाली बजारमा विभिन्न चिनियाँ उत्पादन अभाव हुन थालेको छ । तातोपानीबाट आयात निर्यात ठप्प भएपछि १० करोड राजस्व घाटा भएको छ ।